L’angolo della Poesia

Sicondo canto d’ ‘e faticatùre

Viva ll’Italia aunita luongo tutt’ ‘o stivale,

pure si ‘nce rifònne sulo ‘o Meridionale!

Ma nuje nun ‘nce tenimmo, ca simmo ggente ‘e core:

pure si ‘o Nord magna e ‘o Sud se nne more!

E forse è pure giusto ca, s’uno ha dda patì,

patìmmo nuje, c’ ‘a secule campammo già accussì.

‘Nce avimmo fatto ‘o callo a sti djùne ‘e panza

e avè sempe ‘o mmancante pe’ ddint’ ‘a sta valanza.

E nun fa manco niente si, a Milano e a Turino,

‘nce chiammano “africane, terrune, marucchine …”

pecchè l’Italia aunita è cosa troppo bella…

e ‘nce ne vale ‘a pena d’apprezzarce ‘a pella.

Evviva Galibbarde, c’ha fatto ‘sta bravura …

Pure si ‘nce ha rjalato chest’àta ‘nculatura!!!

E. Valentini