‘A preghiera a’ Madonna

Mamma d’  ‘e grazie, guardace sti figlie,

tiene na mana ‘ncapa a sti ccriature,

dalle nu sguardo Tu, dàlle cunziglie,

nunn’  ‘e fa’ cammenà pe’ strade oscure.

Prutieggele d’  ‘a droga, ‘e figlie nuoste,

lievale ‘a mez’  ‘a via, chisti guagliune

miettele a faticà, trovale ‘e puoste;

si Tu ‘e ddifiende nun ce po’ misciuno.

Dalle n’aiuto pe’ truvà ‘a fatica,

tiene luntana ‘a brutta cumpagnia.

Tu ca, pe’ nnuje, si mamma, sora, amica,

prutièggece d’  ‘o mmale: E così sia.

V. Fasciglione